Halmashauri ya Wilaya ya Tunduru imefanya mkutano maalumu wa kufunga hesabu za fedha kwa mwaka 2022/2023, kwa mujibu wa Sheria ya Serikali za Mitaa inayozitaka Halmashauri nchini kufunga hesabu na kuwasilisha kwa mdhibiti na Mkaguzi mkuu wa hesabu za serikali (CAG).
Akizungumza na waandishi wa habari, Mwenyekiti wa Halmashauri ya Wilaya ya Tunduru Mh. Hairu Mussa alisema, Halmashauri ilikusanya kutoka vyanzo vyake (own source) zaidi ya shilingi bilioni 4.3 ambayo ni sawa na asilimia 93 ya makisio ya mwaka shilingi bilioni 4.7.
Kutokana na utekelezaji mzuri wa miradi mbalimbali ya maendeleo, rasilimali za muda mrefu na mfupi za Halmashauri zimepanda thamani toka zaidi ya shilingi milioni 65 kwa mwaka wa fedha 2021/2022 hadi kufikia zaidi ya shilingi milioni 70 kwa mwaka wa fedha 2022/2023.
“Mapato tunayokusanya tunahakikisha ,yanaenda katika atekelezaji wa miradi ya maendeleo katika maeneo yetu ya kata na vijiji kuboresha huduma za jamii”
Akifafanua taarifa hiyo, ndugu Kaimu Mkurugenzi mtendaji wa Wilaya ya Tunduru ndugu Masanja Kengese, amesema kwa mwaka wa fedha 2023/2024 Halmashauri imejiwekea malengo ya kukusanya kiasi cha fedha shilingi bilioni 4.8.
“Rai yangu kwa waheshimiwa madiwani kuweza kushirikiana na halmashauri katika kudhibiti mapato, ukizingatia mapato ya halmashauri ya wilaya ya Tunduru yanapatikana kupitia mazao, hivyo, tunawaomba waheshimiwa madiwani kusaidia kudhibiti utoroshaji wa mazao”.
Alisema.Wakizungumza kwa nyakati tofauti waheshimiwa madiwani Said Kiosa(kata ya Nanjoka) na Daudi Amlima (kata ya Nakayaya) wameishukuru serikali ya awamu ya sita chini ya Mheshimiwa, Dkt. Samia Suluhu Hassan Rais wa Jamhuri ya Muungano wa Tanzania kwa kuendelea kuboresha miundombinu ya Wilaya ya Tunduru.
Halmahauri ya wilaya ya Tunduru ina Tarafa 7 ,kata 39 ,vijiji 157 na vitongoji 1179 ,Serikali ya Halmashauri ya wilaya ya Tunduru inahakikisha maeneo yote yanafikiwa na huduma za jamii kupitia mapato ya ndani na mapato kutoka Serikali kuu.
Wakulima wa mbaazi wilaya ya Tunduru mkoani Ruvuma wamepata dhamana ya kuuza mbaazi kilo1,223,665, zenye thamani Zaidi ya bilioni 2.5 katika mnada wa pili wa mbaazi msimu wa 2023/2024.
Operesheni meneja Chama Kikuu cha Ushirika Tunduru (TAMCU LTD), Ndg. Marcelino Mrope amesema kwamba, tani 839 zenye thamani ya Zaidi ya shilingi bilioni 1.6 zilikusanywa katika mnada wa kwanza wa mbaazi kwa msimu huu. Ameyasema hayo wakati wa mkutano wa uuzaji wa mbaazi katika mnada wa pili Kijiji cha Msinji.
“Tulifanikiwa kukusanya tani 839 katika mnada wa kwanza wa mbaazi kwa msimu huu na kuuza mbaazi zetu kwa bei ya wastani shilingi 2,016 na kufanya zaidi ya shilingi bilioni 1.6 kuingia katika mzunguko wilaya ya tunduru”. Alisema
Katika mnada wa pili msimu huu wa mbaazi wanunuzi 15 wamejitokeza kuweka zabuni kununua mbaazi kilo 1,223,665, ambapo wanunuzi watano walifanikiwa kununua mbaazi zote zilizopo ghalani kwa bei ya juu shilingi 2,085 na bei ya chini shilingi 2,075 na kufanya bei wastani kuwa 2,079, ambapo jumla ya shilingi bilioni 2.5 zimeingia katika mzunguko wilaya ya Tunduru. Hayo yalisemwa na Mwenyekiti wa Chama kikuu cha ushirika Tunduru (TAMCU LTD) Ndg. Mussa Manjaule wakati akitangaza bei ya mbaazi katika mnada wa pili wa mbaazi.
Aidha Ndg manjaule amewasihi wakulima wilaya ya Tunduru kuwa fedha hizi wanazozipata waendelee kuwekeza katika sekta ya kilimo kwa kuwa kilimo ni muhimili muhimu wa uchumi katika wilaya yetu ya Tunduru na kuwaomba kuendelea kulima Zaidi mazao hayo mbadala ya uchumi.
“Fedha tunazozipata tukawekeze, sisi kama wakulima ili tufikie lengo la kupandisha uchumi wa wilaya yetu”
Mnada wa tatu wa zao la mbaazi katika wilaya ya Tunduru unatarajiwa kufanyika mnamo Agosti 31,2023 katika Kijiji cha Angali .
Imeandaliwa na Orpa Kijanda,Kaimu Mkuu kitengo cha Mawasiliano Serikalini Halmashauri ya Wilaya ya Tunduru.
