IFAHAMU IDARA YA MAZINGIRA NA UTHIBITI WA TAKA NGUMU
Idara ya Mazingira na Uthibiti wa Taka Ngumu ni mojawapo ya idara katika Halmashauri ya wilaya ya Tunduru, Idara ina mtumishi mmoja tu, ambaye kwa sasa ndio Mkuu wa Idara.
Majukumu ya Idara:
- Kukusanya takwimu na taarifa mbalimbali zinazohusu usimamizi na hifadhi ya mazingira
- Kutoa elimu ya hifadhi ya mazingira kwa wadau mbalimbali
- Kushiriki katika kuandaa mpango kazi na bajeti za idara
- Kushiriki katika tafiti zinazohusu usimamizi na uhifadhi ya mazingira
- Kufuatilia utekelezaji wa sera na sheria zinazohusiana na usimamizi wa mazingira
- Kufuatilia na kuanzisha maeneo yanayopaswa kuhifadhiwa
- Kupitia na kushauri kuhusu taarifa za tathmini ya athari kwa mazingira (Environmental Impact
Assessment) na mpango mkakati wa tathmini ya mazingira (Strategic Environmental
Assessment)
- Kuandaa na kuratibu utekelezaji wa mikakati ya matumizi salama ya teknolojia ya kisasa
(Biosafety)
- Kufanya tathmini ya maeneo yaliyoathirika kutokana na shughuli za kiuchumi zisizoendelevu
(kama vile uchimbaji wa madini, Kilimo, Ujenzi, Ufugaji n.k.)
- Kubainisha na kupendekeza masuala ya mazingira yanayopaswa kuhusishwa katika mipango
ya kisekta
- Kuratibu miradi mbalimbali inayohusu usimamizi na hifadhi ya mazingira
- Kupitia taarifa ya hali ya mazingira nchini (State of the environment report) na kutoa ushauri
- Kutoa ushauri kuhusu utekelezaji wa mikataba na maazimio mbalimbali ya Kitaifa, Kikanda na
Kimataifa kuhusu usimamizi wa mazingira
- Kufanya kazi nyingine zozote zinahusu usimamizi na hifadhi ya mazingira ambazo idara
itakuwa imepangiwa.
Sehemu katika Idara:
Pamoja na kwamba Idara ina mtaalam mmoja, lakini Idara hii inategemea kuwa na vitengo vitatu kama ifuatavyo:
-Tathmini ya Mazingira, mabadiliko tabia nchi na maendeleo endelevu
-Udhibiti wa taka ngumu
-Tafiti na Elimu ya masuala mbalimbali ya mazingira
Huduma zinazotolewa na Idara:
-Udhibiti wa taka ngumu katika soko la Azimio, Vituo vya mabasi na maeneo ya makazi
-Kuratibu utekelezaji wa agizo la Mheshimiwa Rais la operesheni ya usafi kila Jumamosi ya mwisho ya mwezi.
- Kupitia maombi ya vibali vya ujenzi na kupitisha au kutoa ushauri pale inapohitajika
Kuhamasisha watu binafsi, vikundi vya kijamii na Taasisi kuandaa vitalu vya miti na kupanda miti.
- Kushirikisha jamii katika kuhifadhi mazingira
- Kutoa elimu ya hifadhi ya Mazingira na udhibiti wa taka ngumu
- Kufuatilia shughuli za uchimbaji wa madini usiofuata uhifadhi wa mazingira
- Kudhibiti uchungaji holela katika maeneo ya mjini
- Kufanya tathmini ya maafa na kuzitolea taarifa kwa Mwenyekiti wa kamati ya Maafa ya Wilaya
Sheria za mazingira:
Halmashauri ya wilaya inasimamia sheria Na. 20 ya Mwaka 2004 ya usimamizi wa Mazingira. Aidha, Halmashauri ya Wilaya ya Tunduru imeunda sheria ndogo ya usimamizi wa Mazingira; sheria hii iliundwa Mwaka 2008.
Sheria ndogo hii ina vipengele kama ifuatavyo:
Uwezo wa Halmashauri katika kusimamia masuala ya mazingira
Wajibu wa Afisa muidhiniwa katika kusimamia sheria ndogo ya mazngira
Wajibu wa kila mwananchi pamoja na wamiliki wa magari kuwa na vyombo vya kukusanyia taka.
Ada ya ukusanyaji wa taka ngumu
Majukumuya wakala wa kukusanya taka ngumu
Viwango vya ada ya kukusanya taka katika ngazi ya kaya na kwa wadau mbalimbali
