ZIARA YA KIKAZI BALOZI WA MSUMBIJI NCHINI TANZANIA

Imewekwa : May 24th, 2023

Katika muendelezo  wa ziara ya kikazi ya Balozi wa msumbiji nchini Tanzania Mhe.Ricardo Mtumbwuida katika mkoa wa Ruvuma leo May 24,2023 ametembelea katika wilaya ya Tunduru

Barozi Mhe. Mtumbwuida ametembelea katika moja ya eneo ambalo mashujaa wapigania uhuru wa msumbiji waliweka kambi wakati wa ukombozi wa nchi  ya msumbiji na ukoloni,katika matembezi hayo barozi Mtumbwuida alitembelea ukumbi ambao Samora Machel alihutumia kutolea mafunzo ya kijeshi kwa wapiganiaji hao,pia nyumba walizokuwa wakiishi wakati huo wa kambi na pia eneo ambalo mkutano mkuu wa kwanza wa umoja wa wanawake  wa chama cha frelimo ulifanyika na sehemu ya maandaki ambapo wapiganaji hao waliyatumia katika kujihifadhi wakati wa mapigano.

Balozi Mtumbwuida alizungumza na wananchi wa msumbiji waliopo katika wilaya ya Tunduru na kuwataka kuzidi kudumishi amani ,uadilifu na upendo walioukuta katika nchi ya Tanzania ili kuendeleza umoja na mshikamano uliopo baina ya nchi hizi mbili, na kuwahaidi kuweza kujitahidi kutatua changamoto zao zinazowakabiri kama wananchi wa msumbiji.

Balozi pia alizungumza na umoja wa vijana wa  chama cha mapinduzi kuzidi kuonesha uzalendo katika nchi yao ili kuzidi kulifanya taifa la Tanzania kudumu  katika hali ya kimaendeleo na kuzidi kuonesha ushirikiano baina yao na wenzao wa jirani frelimo (msumbiji.)