WANAWAKE wasisitizwa kuwa walimu wa maadili katika Jamii.

Imewekwa : March 3rd, 2024

Wanawake Wasisitizwa Kuwa Walimu wa Maadili Katika Familia

Mwakilishi wa Mbunge wa Kusini Mhe. Saidi Bwanali amewataka wanawake kusimamia maadili, hasa katika familia, wakati akizindua maadhimisho ya Siku ya Wanawake Duniani Wilaya ya Tunduru.

Akizungumza baada ya kuwasili katika uzinduzi huo, Mhe. Bwanali alisisitiza umuhimu wa Wanawake kutambua haki zao na wajibu wao kama nguzo imara katika familia na jamii.

Mhe. Bwanali pia alihamasisha wanawake kuwa na ujasiri wa kuthubutu kugombea nafasi mbalimbali hasa za uongozi  kwani mwanamke ni nguzo imara katika jamii.

"Jambo lolote ambalo Mwanamke atalishika, atalisimamia kwa ufasaha na kuhakikisha linafanikiwa." Alisema Mhe.Bwanali.

Aliwataka wazazi, hasa akinamama, kuwapa Watoto malezi bora na maadili mema, ikiwemo Elimu ya Dini, itakayowasaidia kujenga maisha yao bora sasa na baadaye.

Katika Hafla hiyo ya Uzinduzi wa Siku ya Mwanamke Duniani Ofisi ya Maendeleo ya Jamii ikishirikiana na Wanawake Wilaya ya Tunduru walitoa Msaada kwa watu wenye amahitaji Maalumu.

Maadhimisho ya Siku ya Wanawake Duniani yatafanyika Machi 08 2024,ambapo  Mkoa wa Ruvuma Yataadhimishwa katika Wilaya ya Mbinga.

Kaulimbiu ya siku ya wanawake Duniani kwa mwaka huu ni "Wekeza kwa Mwanamke: Kuharakisha Maendeleo ya Taifa na Ustawi wa Jamii."

Kauli hii ikiwa inalenga katika kuhisihi jamii kuwekeza kwa mwanamke na kumuamini, kwani mwanamke ameonekana kuwa ni nyezo muhimu sana katika jamii ana uwezo wa kushiriki katika kila jambo  la maendeleo.

Uzinduzi huo ulihudhuriwa na viongozi mbalimbali wa serikali, wanawake kutoka maeneo mbalimbali Wilaya ya Tunduru na mashirika ya kijamii