TUME YA UTUMISHI Wa Umma Yatembelea Halmashauri Ya Wilaya Ya Tunduru.

Imewekwa : August 22nd, 2025

Tume ya Utumishi wa Umma imefanya ziara katika Halmashauri ya Wilaya ya Tunduru leo Agosti 22, 2025 kwa lengo la kufuatilia na kusimamia uendeshaji wa shughuli za rasilimali watu katika taasisi za umma.

Tume hii imeanzishwa mwaka 2002 na baada ya maboresho ya mwaka 2004 ilipewa majukumu mbalimbali ikiwemo kufanya ukaguzi, kumshauri Rais wa Jamhuri ya Muungano wa Tanzania katika utekelezaji wa majukumu yake kwa mujibu wa Ibara ya 36 ya Katiba ya Jamhuri ya Muungano wa Tanzania, pamoja na kuwa na mamlaka ya kusikiliza rufaa.

Katika ziara yake Tunduru, Tume inalenga kufanya ukaguzi wa kimaadili na kitaasisi kwa watumishi wa umma, ikijumuisha maeneo yafuatayo:

• Ukaguzi wa ajira mpya na za mkataba.
• Upandishwaji wa vyeo kwa mujibu wa sheria, kanuni na miongozo husika.
• Nafasi za madaraka.
• Likizo ya mwaka na uzazi.
• Mahitaji ya mafunzo kwa watumishi.
• Uzingatiaji wa maadili na nidhamu kazini.
• Fidia za ajali na mafao yatokanayo na kazi.
• Ziara hii inalenga kuhakikisha Utumishi wa Umma unatekelezwa kwa weledi, uadilifu na kwa mujibu wa sheria, kanuni na taratibu zilizowekwa.