Mkuu wa Wilaya ya Tunduru Aridhishwa na Ujenzi wa Ghala

Imewekwa : July 31st, 2018

DC HOMERA Amedhishwa na mwenendo wa ujenzi wa ghala la kuhifadhia Korosho linalojengwa na serikali kwa udhamini wa Bodi ya Korosho Tanzania (CBT) kwa shilingi Bilioni  5.7

Mkuu wa wilaya ya Tunduru mkoani Ruvuma Juma Homera aliyasema hayo alipoafanya ukaguzi wa ujenzi wa mradi huo unaotekelezwa kwa na kampuni ya wazawa ya Skycity  ya jijini Dar es salaam Tanzania.

Mkuu wa wilaya Juma Homera aliendelea kuwapongeza  wakandarasi  na kuwataka wamalize ujenzi wa mradi  huo kwa wakati kwa mujibu wa mkataba uliosainiwa kati ya CBT na mkandarasi huyo ili ghala hilo liweze kutumika kuhifadhi korosho za wananchi wa Tunduru.

Alisema “Ghala hili lina urefu wa mita 135  na upana mita 35  na linatarajia kuwa na uwezo wa kuhifadhi korosho Tan 15,000 mpaka 20,000 kwa wakati mmoja  ghala hili mpaka kukamilka kwake  litagharimu fedha za Kitanzania shilingi  Billion 5.7”

Akieleza faida za ujenzi wa  ghala hilo katika wilaya ya tunduru mkuu wa wilaya alisema kwamba kukamilika kwa mradi wa ujenzi wa ghala hilo kutapunguza changamoto ya wizi wa rejareja wa korosho za wakulima kabla ya kufikishwa kwenye ghala kuu  kwa ajili ya Mnada, pili kutawawezesha wakulima kuwahi soko lenye bei nzuri  kwakuwa korosho zao zitawahi kuondolewa shambani na kufikishwa ghala kuu.

Mh.Homera aliwaomba uongozi wa bodi ya Korosho (CBT) kupitia kaimu mkurugenzi mkuu  Prof Wakuru Magigi  kufanya usimamizi wa karibu kwa mkandarasi anayetekeleza mradi huo ukamilike kwa wakati.

imetolewa na 

Theresia Mallya

Afisa Habari halmashauri