MH. WAZIRI MKUU AKIWA ZIARA WILAYANI TUNDURU

Imewekwa : January 5th, 2021

Waziri mkuu wa Jamuhuri ya Muungano wa Tanzania Mh.  Kassimu Majaliwa  Majaliwa amefanya ziara  ya kikazi katika halmashauri ya wilaya ya Tunduru na kutembelea mradi wa ukarabati wa madarasa na mabweni ya shule ya wavulana Tunduru Secondsry iliyopo katika kata ya majengo,kijij i cha muungano ambapo mpaka sasa mradi huo umefikia asilimia 90 .

Aidha kutokana na lisala ambayo ilisomwa na mkuu wa shule hiyo ya Tunduru secondary ambapo katika lisala hiyo liliombwa gari la shule ambapo litakuwa  likisadia wanafunzi wa shuleni hapo katika shughuli mbalimbali ikiwemo kuwasaidia wanafunzi ambao ni wagonjwa na kuwakimbiza hospitali ya wilaya kwa upande wa Mh. Waziri mkuu alimwagiza DED Tunduru kuhakikisha anapeleka gari haraka iwezekanavyo katika shule hiyo kongwe ya secondary.

Pia Waziri mkuu wa jamuhuri ya muungano wa Tanzania Mh. Kassimu Majaliwa Majaliwa alikagua majengo ambayo yalikarabatiwa yakiwemo madarasa na mabweni  na kutoa pongezi kwa uongozi wa shule na kamati yote ya ujenzi ya shule na kuwahaidi kuwa amelizishwa na kasi ya ujenzi wa ukarabati wa madarasa na mabweni  unaoendelea na kuwahakikishia kuwa ataongeza bajeti ya kukarabati nyumba za walimu baada ya ukarabati huo wa sasa wa mabweni na madarasa kukamilika ambao umeghalimu milioni mia saba tisini na mbili.

Aidha Mh. Kassimu Majaliwa Majaliwa Waziri mkuu wa Jamuhuri ya muungano wa Tanzania amewataka Wanafunzi,Walimu na jamii yote inayo ishi kuzunguka maeneo hayo ya shule kutunza majengo hayo ambayo serikali ya awamu ya tano ya Dkt John Pombe Magufuli imetumia fedha nyingi sana ili kugharamia miundombinu hiyo  ya Elimu