Ded Tunduru kutoa milioni mia mbili na arobaini 10%

Imewekwa : April 1st, 2021

                         Ded  Tunduru dc kutoa milioni miambili na arobaini 10%.

Mkurugenzi Mtendaji wa Halmashauri ya wilaya ya Tunduru Ndg Gasper  z. Balyomi  leo tarehe 01/04/2021 amekutana na kufanya mazungumzo na Wanufaika wa mkopo wa Halmashauri  wa 10% ambao wanufaika hao ni Wanawake 4%, Vijana  4% na Walemavu 2% ambapo Mkurugenzi mtendaji wa Halmashauri ya wilaya ya Tunduru amewataka wananchi wajiunge katika vikundi  ili wanufaike na mkopo huo wa Halmashauri.

Aidha Mkurugenzi Mtendaji wa Halmashauri  ya Wilaya ya Tunduru amewataka vikundi ambavyo wamekopa mkopo na hawajaresha mikopo yao anawataka vikundi hivyo warejeshe  mikopo kwa wakati ili kuwapa fursa na vikundi vingine wakope.

Pia Mkurugenzi Mtendaji amesema “kwa vikundi ambavyo vinakopa na kurejesha mikopo yao kwa wakati vitapewa kipaumbele na kuongezewa kiwango cha mkopo” ambapo kwa sasa kuna vikundi vinarejesha vizuri sana marejesho.

Aidha Halmashauri ya Wilaya ya Tunduuru imetenga kiasi cha shiling milioni mia mbili na arobaini kwajili ya kuwakopesha  Wanawake 4%, Vijana 4% na Walemavu 2% ambayo ni  asilimia kumi (10%) inayo takiwa kutolewa kwa  Wanawake, Vijana na Walemavu kwa kipindi cha  mwaka wa fedha wa serikali pia Mkurugenzi amewapongeza vikundi vya Wanawake kwa kuonyesha  mwenendo mzuri wa kurejesha mkopo huo katika Halmashauri ya wilaya ya Tunduru.