DED Tunduru aagiza utekelezaji wa masuala ya Lishe.

Imewekwa : November 10th, 2023

Mkurugenzi Mtendaji wa Halmashauri ya Wilaya ya Tunduru Ndg. Chiza Marando, ameendesha  kikao cha kawaida cha kujadili utekelezaji wa shughuli za lishe kwa robo ya kwanza (Julai – Septemba 2023) katika Wilaya ya Tunduru Novemba 10,2023, ambapo alikuwa mwenyekiti wa kikao hicho.

Mwenyekiti wa kikao hicho amewasisitiza wakuu wa idara ambazo  zinawajibika katika kamati ya Lishe kuendelea kuonesha ushirikiano kwa kamati ya lishe ili kuongeza hali nzuri ya lishe katika wilaya ya Tunduru,na kuwataka kwenda kutekeleza makubaliano katika kila idara husika.

Ameyasisistizaa hayo  wakati wa kikao hicho ofisini kwake, ambapo pia aliziomba idara za Elimu kuhakikisha wanafunzi wanakuwa na mwenendo mzuri wa Lishe wawapokuwa shuleni , kwani  lishe bora ni msingi wa maisha ya binadamu.

Pichani Mkurugenzi Mtendaji Wilaya ya Tunduru Ndg. Chiza Marando akizungumza wakati wa kikao cha Utekelezaji wa masuala ya Lishe ofisini kwake.

“Ninyi kama wakuu wa idara zinazohusiana na masuala ya lishe hakikisheni mnatimiza wajibu wenu katika kuhakikisha lishe kwa wananchi wa wilaya ya Tunduru inakuwa Bora”

Kwa upande wake Afisa Lishe Wilaya ya Tunduru Bi. Martha Kibona aliwasilisha taarifa ya  Idara ya Afya  kwa niaba ya Mganga Mkuu wa (W) Tunduru , ambapo idara ya Afya ilitekeleza  kwa utoaji elimu mbalimbali kwa rika balehe na elimu juu ya ulishwaji wa watoto wachanga na wadogo pamoja na uongezwaji wa virutubishi katika vyakula.

Pichani (aliyesimama) Afisa Lishe wilaya ya Tunduuru Bi. Martha Kibona akiwasilisha taarifa ya utekelezaji wa masuala ya Lishe katika Idara ya Afya.

Afisa Afya (W) Tunduru ameendelea kuhamasisha  viwanda kuingia mkataba na SANKU kwa ajili ya kuongeza upatikanaji wa vyakula vyenye virutubishi vya kutosha.