AFISA MAZINGIRA AKERWA NA TABIA ZA UCHOMAJI MOTO

Imewekwa : August 24th, 2017

Aliyasema hayo wakati akiwa katika ziara ya ukaguzi wa maeneo yaliathiriwa na wafugaji wenye makundi makubwa ya mifugo waliopo katika maeneo tofauti ya wilaya ya Tunduru.

Mkuu wa Idara ya Mazingira na Uthibiti wa Taka Ngumu wilaya ndg Jonathan Albano Haule alisema kuwa imekuwa kawaida ya wananchi kusafisha mashamba kwa kuchoma moto hali inayohatarisha uharibifu wa misitu ya asili na kuharibu mazingira kwani unapochoma moto katika mazingira unaua mimea yote.

Aliendelea kusema kuwa sheria ya mazingira namba 20 ya mwaka 2004 inasema Mtu yeyote anayeishi Tanzania atakuwa mdau na atawajibika kutunza nakuendeleza mazingira na kutoa taarifa kwa mamlaka husika kuhusu shughuli au jambo lolote ambalo kwa kiasi kikubwa linaweza kuathiri mazingira.

uthibiti wa mazingira ni wajibu wa kila mtu ili kuhakikisha kwamba nchi inapambana na kukabiliana na mabadiliko ya tabia ya nchi yanaathiri kwa kiasi kikubwa uzalishaji kushuka kutokana na kukosekana kwa mvua na ongezeko kubwa la hali joto.hivyo basi ni wajibu kwa kila kiongozi katika ngazi ya kata, kijiji hadi wilaya kuhakikisha kuwa mazingira yanalindwa na kupiga vita uchomaji wa nyasi wakati wa maandalizi ya mashamba ili kuepuka athari zinazosababishwa na moto.

Akiwa katika tarafa ya Nakapanya, kata za Mindu, Tinginya na Ngapa aliwaagiza viongozi wa sehemu hizo kufuatilia na kuwachukulia hatua wananchi wanaochoma moto katika mashamba kwani wanasababisha madhara mengi sana katika mazingira.

Aliendelea kusema kuwa kutokana na shughuli za binadamu katika vyanzo vya maji  kama kilimo, kulisha mifigo na zimepelekea ongozeko kubwa na kukauka kwa vyanzo vya maji na uharibifu wa uoto wa asili katika mito mingi hivyop kupelekea  kukauka na inakuwa na maji kwa msimu tu wa mvua hali inayoatarisha maisha ya wananchi hasa upatikanaji wa maji safi na salama.

Vile vile kumekuwa na ongezeko kubwa la kundi kubwa la mifugo katika wilaya ya Tunduru, mifugo hii inaathiri kwa kiasi kikubwa mapori ya asili katika vijiji na mapori tengevu ya hifadhi za taifa kwani wafugaji hawa wanavamia katika misiti na kukata miti kwa wingi ili kuruhusu nyasi ziote kwa ajili ya malisho.

Afisa Mazingira na Mthibiti wa Taka Ngumu W ndg Jonathan Haule akitoa elimu ya umuhimu wa kutunza mazingira na ufugaji endelevu, faida zitokanazo na ufugaji katika kata ya Ngapa wakati wa ziara ya kuzungumza na wananchi juu ya athari zinazosababishwa na wafugaji wenye makundi makubwa ya ng'ombe wliovamia katika Halmashauri ya wilaya ya Tunduru.