TZS 484,362,000 ZA TASAF ZAINGIA KWENYE MZUNGUKO WILAYANI TUNDURU.

Imewekwa : October 20th, 2021

Wilaya ya Tunduru ni moja  ya wilaya zenye wanufaika  wa mpango wa kunusuru kaya maskini (TASAF).

Kupitia mratibu wa TASAF  wilaya ya Tunduru  Ndg Muhidini Shaibu akizungumzia mpango huo ambao unalipa awamu ya pili ya malipo ya mwezi wa tano (5) na mwezi wa sita(6), mpango huo wa kunusuru kaya maskini  unahudumia kaya takribani 12,740  katika vijiji 88 na jumla ya pesa zinazolipwa kwa kaya zote ni jumla ya TZS 484,362,000. Na malipo haya yatafanyika ndani ya siku  tisa.

Pia mratibu wa TASAF  alitoa wito kwa walengwa wa mpango huo kutoa taarifa zilizo sahihi ili kuondoa changamoto ambazo huwa zinajitokeza wakati wa malipo ya ruzuku zao.

Pia aliwahamasisha walengwa kuunda vikundi vya ujasiriamali ili hizo pesa wanazofaidika nazo ziweze kuwasaidia katika matumizi yao ya kila siku ,pia aliwasihi walengwa waweze kuwapeleka watoto wao shule kama mpango unavyosema na kuwapeleka watoto wao wao wachanga kuhudhuria kiliniki ili kuweza kuendeleza afya iliyo njema kwa watoto wao.