Bi Bumi atoa cheti kwa Mnatinga Amcos

Imewekwa : February 2nd, 2019

Akisoma taarifa ya Chama cha Ushirika  Mnatinga katibu wa chama  Ndg Mohamed Abdalah Arobaini alisema  chama kina jumla ya wanachama wapatao 98 kutoka  katika Kata nane  za Namakambale, Ngapa, Tinginya, Mindu,  Nakapanya, Mchuluka, Mtina na Chiwana.

Aliendelea kusema kuwa Amcos  ya Mnatinga ina lengo la kuongeza  idadi ya wanachama hadi kufikia 426 toka 98 wana sasa lakini  chama kitakua  kinafanya kazi ya kununua  mazao Mchanganyiko na pia kutoka wigo wa kuanzisha kiwanda cha kukamua mafuta ya Ufuta na Alzeti ilimradi kukuza uchumi wa  wananchi.

Akizungumza na wanachama wa  Amcos ya Mnatinga Mrajisi Msaidizi mkoa wa Ruvuma Bi Bumi Masuba alianza kwa kuwapongeza wanachama kufanikiwa kufikia malengo ya kuanzisha chombo ambacho kitawasaidia kupata nguvu ya kujiendeleza kwa mwananchama  mmojammoja  ili kutelekeza kauli mbiu ya ushirika tujenge uchumi wenye nguvu.

Katibu  wa Amcos ya Mnatinga akisoma taarifa ya Chama  hicho  kwa wanachama na Mrajisi  Msaidizi  mkoa wa Ruvuma Bi Bumi  Masuba katika mkutano maalum wa uchaguzi na kukabidhi cheti ulifanyika mapema wiki hii shule ya msingi Songambele wilayani Tunduru.

 Bi Bumi Masuba  alisema kuwa Mnatinga iki kufikia malengo waliyojiwekea ni wazima kusimamia Sheria ,kanuni na masharti ya ushirika nchini ikiwa ni pamoja na kuwa wanachama hai  aliyelipa nusu ya hisa za uanachama.

Pia alikemea baadhi ya tabia za  wanachama kutumia jazba au ushabiki  katika kuchagua viongozi watakaosimamia ushirika kwani mkifanya hivyo wanamnatinga chama hiki tunachoenda kukizindua leo rasmi kitakufa mikononi mwenu.alisema "Mnatinga inajengwa na nyinyi wanachama wenyewe na mnatatinga itabomolewa na ninyi pia"

Bi Masuba aliwataka wanachama kutumia fursa ya serikali ya awamu ya tano katika kuimarisha ushirika kwani serikali ina nia njema katika kuimarisha ushirika nchini na imeweka mkazo katika usimamizi wa kukuza ushirika wenye nguvu nchini kwa ajili ya maendeleo ya Nchi na kukuza uchumi wa wananchi.

"Kuweni na mipaka katika utendaji kazi wa wanachama na masuala ya kisiasa ili kuepuka migogoro katika chama, vikao vyenu vinawahusu wanachama wenye hisa tuu na sio kila viongozi wa kisiasa, tunapojenga nyumba ni vizuri kuwa na misingi na mipaka"

Akitoa shukrani kwa  wanachama baada ya uchaguzi mwenyekiti wa bodi ya chama cha ushirika cha Mnatinga  Ndg Gerard Ford Richard alisema atatoa ushirikiano kwa bodi iliyokuwepo ili kuendeleza chama, atakua mtii kwa viongozi na wanachama na nitahakikisha hakuna makundi ili kuwaleta wanachama pamoja kama tulivyoanza mwanzo.

Mrajisi Mzaidizi Mkoa wa Ruvuma Bi Bumi Masuba akionesha cheti cha usajili wa chama cha Ushirika cha Mnatinga mbele ya wanachama na wajumbe wa bodi baada ya kufanya uchaguzi wa bodi mpya baada ya bodi ya mpito kumaliza muda wake.