Taarifa kwa Umma kuhusu ziara ya Rais wa Jamhuri ya Muungano wa Tanzania Dkt.John Pombe Magufuli

Imewekwa : April 3rd, 2019

Tunduru 03 April 2019

Rais wa Jamhuri ya Muungano wa Tanzania Dkt.John Pombe Magufuli atafanya ziara ya kikazi ya siku mbili wilayani Tunduru kuanzia tarehe 04-05 April 2019.

Taarifa iliyotolewa leo na Mkuu wa wilaya ya Tunduru Mhe.Juma Zuberi Homera inasema, barabara ya lami ya Namtumbo –Kilimesera,Matemanga-Tunduru itakaguliwa na kuzinduliwa na Mheshimiwa Rais.

Katika ziara hii Mhe.Rais Magufuli ataongea na wananchi katika viwanja vya soko la Mchele lililopo Nakayaya Tunduru Mjini.

Wito unatolewa kwa wananchi kujitokeza kwa wingi kwenye mapokezi kuanzia Kijiji cha Sauti Moja, Nakapanya, Muhuwesi siku ya Tarehe 04/04/2019 hadi Eneo la Mkutano wa hadhara Nakayaya siku ya tarehe 05 Aprili, 2019 kuanzia saa mbili kamili Asubuhi.

Imetolewa na

Theresia E.Mallya

Afisa Habari

Halmashauri ya Tunduru.