MNADA WA TANO (5) WA KOROSHO WILAYA YA TUNDURU.

Imewekwa : December 8th, 2022

Leo tarehe 08/12/2022 umefanyika mnada  wa tano wa korosho katika wilaya ya Tunduru katika kijiji cha msakula kwa kuuza  kilo 2,285,533 za korosho zilizo katika maghara  yaliyopo katika wilaya ya Tunduru,wanunuzi tisa (9) walitoa ofa (tender) za kununua  korosho hizo.

Baada ya kuchakata bei za wanunuzi wote ,wanunuzi sita (6)  walishinda tender ya kununua korosho zote zilizopo sokoni kwa  mnada huu wa tano kutoka katika maghara matatu yaliyokuwa na  korosho kwa siku ya leo.

Kwa muktadha huo baada ya uchakataji wa bei kufanyika  bei ya  chini  ilikua 1,720 Tzs ,bei ya juu ni 1,760 Tzs  na bei wastani kuwa 1,735 Tzs bei ambayo wakulima waliridhia kuuza korosho zote zilizopo  katika maghara yote matatu.

Pia katika mnada huo mwenyekiti wa ushirika wilaya ya Tunduru Ndg Mussa manjaule amewataka wakulima kurejesha  mikopo waliyokopa hapo nyuma katika taasisi mbalimbali za kifedha .