MKUU WA MKOA AKITOA MAELEKEZO KATIKA UTEKELEZAJI WA MIRADI WILAYA YA TUNDURU.

Imewekwa : November 30th, 2022

Leo tarehe 30/11/2022 mkuu wa mkoa wa Ruvuma  Mh Kanali Raban Thomas amefanya ziara ya ukaguzi wa miradi mbalimbali  iliyopo katika wilaya ya Tunduru  mkoa wa Ruvuma  katika vijiji takribani vitano (5) ili kuona utekelezaji wake kama maagizo yalivyotolewa kuhusu miradi hiyo.

Pia mkuu wa mkoa alitoa maagizo kwa watekelezaji  wa miradi hiyo kwa kuwataka kumaliza miradi hiyo kwa tarehe zilizopangwa ili iweze kuwasaidia wananchi hasa katika sekta ya elimu,aliwataka wananchi kushiriki vyema katika ujenzi huo wa miradi .

Mkuu wa mkoa alikagua mradi wa shule ya sekondari ya kata ya nakayaya, mradi wa shule ya msingi ya masonya, shule ya sekondari katika kijiji cha majimaji na pia alikagua mradi wa daraja la mto msenjewe linalounganisha kijiji cha nasia na mtina ambalo lilikua kero kwa wananchi.

Mkuu wa mkoa ametoa shukrani kwa Mh rais Samia Suluhu Hassani kwa kuwezesha miradi hio kwa kutoa pesa iliyosaidia kujenga miradi hiyo ya shule,pia mkuu wa mkoa alitoa pongeza kwa utekelezaji huo wa miradi hio kwa viongozi wa wilaya.