KATIKA KUSHEREHEKEA UHURU WA TANGANYIKA

Imewekwa : December 8th, 2021

Katika kusherehekea siku ya uhuru wa Tanganyika mkuu wa mkoa wa Ruvuma  General  Wilbert Ibuge  amesema ni muhimu kukumbuka siku ya uhuru wa Tanganyika  kwani ndio uliotupatia fursa ya kuwa na maendeleo katika Taifa letu .

Rc Ibuge amesema wanao sema na kuubeza uhuru wetu ni vema kuwapuuza ili wasije wakatugawanya na kazi iendelee sababu ndio thamani ya uhuru wetu ni vema kuutunza uhuru wetu ili tupate kuwa na historia nzuri ya uhuru wa Taifa letu.

Aidha Ibuge amesema baada ya uhuru zimepita awamu tano na kila awamu inamchango wake wa maendeleo katika Taifa hili ikiwemo  Elimu, nishati, Afya na miundombinu na tuna mengi ya kujivunia tangu uhuru mpaka leo hii.

Hivyo amewaomba wananchi kuwa na ushirikiano katika maendeleo ya taifa letu pia amewaomba Wananchi wa mkoa wa Ruvuma na Watanzania wote tushirikiane katika kuulinda Uhuru wetu maana amani tulionayo hapa kwetu  Nchi zingine wanaitafuta.

Rc Ibuge amewataka  Wazee walio zaliwa wakati na kabla ya Uhuru wawe wanawaeleza ukweli vijana wa sasa historia ya Nchi yetu wapi tumetoka, wapi  tulipo na wapi tunako kwenda lengo ni kuwajengea Vijana uwezo wa kuielewa historia ya Nchi yetu Vizuri.