Halmashauri ya wilaya ya Tunduru imepokea magari mawili ya kubebea Wagonjwa

Imewekwa : June 1st, 2021

Halmashauri ya wilaya ya Tunduru imepokea  magari  mawili ya kubebea  wagonjwa  ya vituo vya  Afya  vya  Nalasi na Nakapanya  hizo ni jitihada za Waheshimiwa  Wabunge wa Tunduru kusini Ndg Daimu Idd  Mpakate  na Tunduru Kasikazini Ndg Hassani Zidadu Kungu.  Aidha kupatikana kwa magari hayo ya kubebea wangonjwa itakuwa mkombozi mkubwa kwa wananchi  wanaoishi Tarafa ya Nakapanya na Nalasi.

Pia ikumbukwe kwamba kabla ya kupatikana magari hayo mapya  ya kubebea  wagonjwa  Halmashauri ya wilaya ya Tunduru ilikuwa na upungufu mkubwa wa magari ya kubebea wagonjwa magari yaliyopo  hayotoshelezi kulingana na ukubwa wa eneo la kiutawala kutoka katika vituo vya Afya kuja hospital ya wilaya. 

Kwa sasa ujio wa  magari hayo ya kubebea  Wagonjwa ni msaada mkubwa  sana kwa wakazi  wa Tarafa ya Nakapanya na Nalasi  katika idara nyeti  ya Afya  aidha Pongezi za pekee ziwaendeee  Waheshimiwa, Wabunge Ndg Daimu Idd Mpakate na Ndg Hassani Zidadu Kungu  kwa juhudi zao za ufuatiliaji wa magari hayo ya kubebea wagonjwa  katika Wizara ya Afya.