Ded Tunduru dc Ndg Gasper Zahoro Balyomi akikabidhi gari la wagonjwa kwa mganga mkuu wa kituo cha Afya Nalasi.

Imewekwa : June 13th, 2021

Mkurugenzi  Mtendaji wa Halmashauri ya Wilaya ya Tunduru Ndugu Gasper  Zahoro Balyomi leo tarehe 13/06/2021 amemkabidhi mganga mfawidhi wa kituo cha Afya cha Nalasi  uku akimpatia maelekezo ya kutunza gari hilo maana huduma mbalimbali zinaweza tolewa endapo mgonjwa atakuwa ndani ya gari hilo.

Aidha Mkurugenzi Mtendaji amewataka wananchi kuonesha ushirikiano katika utuzaji wa gari hilo la kubebea wagonjwa katika tarafa ya Nalasi uku akiwataka Wananchi wa tarafa hiyo ya Nalasi wajitaidi kukata  bima ya Afya iliyoboreshwa kwa kiasi cha elf  30 tu katika kaya ambayo itahudumia watu sita (6) katika kaya husika.

Pia Mkurugenzi Mtendaji amewambia Wananchi wa Tarafa ya Nalasi kuwa hizo fedha watakazo lipia bima ya afya iliyoboreshwa  ndizo pesa  zitakazo tumika kulitunza gari hilo ambalo limekuwa mkombozi mkubwa kwa Wananchi wa Tarafa ya Nalasi .

Mwisho Mkurugenzi Mtendaji wa Halmashauri ya wilaya ya Tunduru  amemshukuru sana Mheshimiwa Mbunge wa Tunduru kusini Ndg Daimu Idd Mpakate kwa juhudi zake za kuhakikisha anapambana kumuomba Mheshimiwa Waziri mkuu   Ndg Kassim Majaliwa Majaliwa hilo gari  la Wagonjwa  ambalo leo Wananchi wa Tarafa ya Nalasi Wamekabidhiwa.