DC MTATIRO NA UZINDUZI MRADI WA BOOST TINGINYA.

Imewekwa : May 9th, 2023

Mheshimiwa mkuu wa wilaya ya Tunduru adv. Julius S.Mtatiro leo mei 9,2023 ametembelea katika eneo linalotarajiwa kujenga shule mpya ya mkondo mmoja katika kata ya Tinginya kijiji cha Tinginya ambao ni mradi wa upatikanaji fursa sawa za ujifunzaji kwa elimu ya awali na msingi (BOOST) 

Ambapo halmashauri ya wilaya ya Tunduru imepokea takribani shilingi  331,600,000.00/= kwa ajili ya mradi huo wa kujenga jengo la utawala (01),madarasa(09) (madarasa(2) ya awali na msingi(07))  ,matundu ya vyoo (10)  na kichomea taka(01) 

Mh.mkuu wa wilaya alishiriki  na wananchi wa Tinginya katika uzinduzi wa ujenzi wa shule hiyo mpya kwa kufanya kazi pamoja nao na kupata fursa ya kuzungumza na wananchi wa Tinginya. 

Aliagiza , vijana wote wa jeshi la akiba  kijiji cha tinginya kukabidhiwa  ajira ya ufyatuaji wa matofali ya mradi huo pia kuwaomba kujitolea katika ulinzi wa eneo la mradi, na vijana wengine kupewa ajira zitakazojitokeza kutokana na mradi huo . 

Aidha mkuu wa wilaya  ameitaka serikali ya kijiji  iunde Kamati inayohusisha wananchi ya vifaa  ambayo itakuwa inafuatili kwa ukaribu matumizi ya vifaa vyote vya ujenzi wa mradi huo, amesisitiza pia uaminifu wa kamati zote za manunuzi ,utunzaji na usimamizi wa mradi 

Mwisho aliwataka Wananchi wa Tinginya kuulinda mradi kwa hali ya uzalendo ili uweze kukamilika kwa wakati na kwa usahihi mkubwa.