DC MTATIRO AZUNGUMZA NA WANANCHI LIGOMA

Imewekwa : May 8th, 2023

Mheshimiwa mkuu wa wilaya ya Tunduru  adv. Julius S. Mtatiro , amezungumza na wananchi leo  mei 8, 2023 katika kata ya Ligoma kijiji cha ligoma kuhusu mradi wa ujenzi wa shule mpya yenye mikondo miwili (2)  ambayo imewezesha na mradi wa upatikanaji wa fursa sawa katika ujifunzaji  bora wa elimu ya awali na msingi Tanzania bara,(BOOST).

Katika mazungumzo na wananchi hao mheshimiwa mkuu wa wilaya amewaagiza watendaji wa mradi huo kuendeleza uzalendo katika miradi ambayo inaletwa na serikali ili kuifanya iwe bora na kukamilika kwa wakati na kwa usahihi.

Ameitaka kamati ya  mradi huo kusimamia kwa uadilifu na  kuweka taarifa za manunuzi ,utunzaji na matumizi ya vifaa vya kutimiza ujenzii huo wa shule hiyo.

Pia amemtaka muhandisi wa wilaya Ramadhani  R. Magaila ambaye ni msimamzi wa ujenzi wa mradi wa shule hiyo kuandaa ripoti  ya taarifa  inayohusu matumizi ya vifaa vyote vya ujenzi  vitakavyokuwa vinatumika katika mradi huo .

Aidha mkuu wa wilaya amewataka wananchi kuonesha ushirikiano katika kuboresha na uthibiti wa ukamilishaji wa miradi hiyo kwa kufuatilia na kutoa taarifa mapema pale wanapohisi kuna utendaji usio sahihi katika mradi huo.