DC Homera achangia Mifuko 50 ujenzi Ofisi CHAWATU

Imewekwa : August 13th, 2018

DC Homera ameahidi kuchangia mifuko 50 ya saruji katika ujenzi wa Ofisi ya chama cha wazee wastaafu wilayani Tunduru CHAWATU katika mkutano uliofanyika katika ukumbi wa klasta tarehe 12/08/2018.

Ameahidi hayo katika mkutano wa wazee uliofanyika Jana na kuanzia kwa kuwapongeza Kaimu Mkurugenzi Chiza Marando na Mganga Mkuu wilaya Dkt Wendy Robert kwa kuwatengenezea wazee vitambulisho vya matibabu.

Na kwa upande wa wazee wastaafu waliishukuru serikali na kumpongeza mkuu wa wilaya kwa kushirikiana nao kila wanapomuhitaji kukutana nao kusikiliza kero zao.

 " tunamshukuru sana Idara ya Ardhi kuwapa kiwanja cha kujenga, Mbunge wa Tunduru Kaskazini Eng Ramo Makani kwa michango aliyotoa ya shilingi milioni 5 na bati 50 kwa ajili ya kuendeleza ujenzi wa ofisi yetu" alisema mwenyekiti wa CHAWATU

Hata hivyo walimuomba mkuu wa wilaya awasaidie katika usimamizi wa miradi waliyoanzisha ili iweze kuwa endelevu.