BENKI ya CRDB yagawa viti na meza 40 kwa Shule ya Sekondari Kungu.

Imewekwa : August 21st, 2024

Meneja wa CRDB Kanda ya Kusini Ndgu DENIS MWOLEKA amekabidhi vifaa hivyo vyenye thamani ya Shilingi Milioni 3 kwa Bwana Abdalah Luzega ambaye ni Kaimu Katibu Tawala akimwakilisha mkuu wa Wilaya ya Tunduru Mheshimiwa Simon Chacha.

Bwana Mwoleka ameeleza kuwa, ugawaji wa vifaa hivyo ni sehemu ya kuunga mkono jitihada za Mheshimiwa Rais wa Jamhuri ya Muungano wa Tanzania, Daktari Samia Suluhu Hassan za kutoa huduma ya elimu bila malipo kwa watanzania, kurudisha fadhila kwa jamii lakini pia shukrani kwa wananchi wa Wilaya ya Tunduru, ambao wameendelea kutumia huduma zao katika Benki hiyo ya CRDB ambayo pamoja na kuwa na muda mfupi tangia kuwa na Tawi hapa Tunduru lakini imeonesha kuzalisha faida kubwa.

Akipokea vifaa hivyo Kaimu katibu Tawala aliishukuru Bank ya CRDB na kuusisitiza uongozi wa shule kusimamia utunzaji na matumizi sahihi ya vifaa hivyo lakini pia vifaa hivyo vikawe chachu ya ufaulu kwa wanafunzi , benki ya CRDB wamekabidhi vifaa hivyo wakiwa na kauli mbiu isemayo "KETI JIFUNZE".